阿叻淆底　捐300萬吸台慶收視

為撐港視發牌，有網民發起「萬千熄機賀台慶」行動，陳百祥（阿叻）擦鞋護主，近日連珠發炮發表爆炸性言論，由起初「收視得兩、三點便跪地返屋企」，繼而加碼到「死咗佢」，激發不少市民熄機決心。阿叻似乎淆底，擔心單點收視成真，昨日出席台慶記者會時，諗計要無綫台慶有30點收視就捐300萬給慈善機構，並揚言無綫唔捐自己捐，博收視反彈。

現年62歲的陳百祥出名寸嘴，最近為撐無綫竟口出狂言，公然向電視迷挑機，指無綫台慶收視無可能得兩、三點，即有網民發起網上「尋人」，冀聯絡全港800戶參加收視調查的家庭，發動他們響應熄電視行動。未知阿叻是否感到事件鬧大，昨日在將軍澳電視廣播城出席《萬千星輝賀台慶》記者會時，突在台上宣佈要捐錢撐收視，他說：「一台獨大唔想嘅，人哋同我玩點數。我𠵱家喺台上宣佈，如果台慶節目任何時段有30點（約193萬人），我就叫TVB捐300萬出嚟，希望TVB撐我，如果唔係我咪喺TVB騷錢扣囉！」

[img]http://static.apple.nextmedia.com/images/apple-photos/apple/20131115/large/15ec1p1r.jpg[/img]
【昨日】■阿叻昨淆底呼籲大家睇電視，並再玩點數，揚言捐錢撐收視。

[b]「每多1點就加10萬」[/b]
阿叻在台上多次呼籲：「撐大家開電視呀，睇電視、睇台慶！」並做出扭開電視機手勢，連拍檔陳芷菁都感到阿叻淆底，她說：「你係咪好驚呀？你講咗六次嘞！」阿叻透露已叫汽車老闆加碼送多一部汽車，到時藝人和家庭觀眾各抽一部，擺明用獎金獎品吸收視，他說：「熄機負能量，開機幫到人。」
阿叻在台下續狂擦TVB鞋：「我回饋同擦鞋係啱嘅，TVB養大我，等如阿爸養我，唔通我會鬧佢咩？啲錢暫時未知捐去邊間慈善機構，如果每多1點就加10萬，唔得就喺我人工度扣，我返嚟做20個騷就300萬，咁你哋知我幾多錢一個騷啦。我希望捐夠400萬㖭，唔夠我就出街搵人『揼心口』，籌款我最叻！」

[img]http://static.apple.nextmedia.com/images/apple-photos/apple/20131115/large/15ec1p2e.jpg[/img]
【周日】
■阿叻護主情切，連日發表爆炸性言論挑機。

[img]http://static.apple.nextmedia.com/images/apple-photos/apple/20131115/large/15ec1p3r.jpg[/img]
【前日】


問無綫是否已答應？阿叻說：「我上台講完冇人抗議就係，我唔話得事邊個話得事呀？冇理由叫鄭俊弘出嚟講，雖然佢𠵱家都好話得事。」他再做開機手勢，並囂爆說：「吹咩！」他表示不相信「尋人」網有逾萬人Likes，但截至昨日，該網已近二萬個Likes。對網民不是想他死，而是要他輸掉要「找數」下跪，他說：「如果係咁有力熄機我咪死咗去囉，以後唔撈電視，到時唔撈定死咗冇人知。」對無綫劇被評質素下跌，他晒爛透英文說：「呢度少林寺，張曼玉、華仔充斥華人市場，有90%係TVB出去，乜嘢叫質素差呀？無綫請好多新人，我都想退休好耐，但後生上嚟又跌番落去，我又咁受歡迎冇計，曬命英文係咩呀：put my life under the sun！

[img]http://static.apple.nextmedia.com/images/apple-photos/apple/20131115/large/15ec1p4r.jpg[/img]
■網民發起熄機行動，至昨日已近二萬個Likes。

[img]http://static.apple.nextmedia.com/images/apple-photos/apple/20131115/large/15ec1p5r.jpg[/img]
■一眾台慶司儀及高層昨舉杯預祝台慶有好收視。

[img]http://static.apple.nextmedia.com/images/apple-photos/apple/20131115/large/15ec1p6r.jpg[/img]
■今年獎金獎品加碼至接近700萬元，送出的汽車和鑽飾分別讓男、女藝人抽獎。

[b]陳芷菁：覺得佢係驚[/b]
無綫非戲劇製作總監余詠珊表示，今年的獎金獎品是歷年之冠，共值約700萬元。問阿叻揚言再捐300萬是否已落實？余詠珊說：「係好提議，今日叻哥同我哋傾過吓，希望多啲人睇節目啦。」事後陳芷菁說：「𠵱家年輕人鍾意同大人行相反方向，真心講，我覺得佢係驚。」黎芷珊說：「總之籌到款可以幫到人，有信心可以去到300萬。」


來源:蘋果日報網站