馬賽BB被污辱　涉抄《強姦2》

噚晚嗰集《法外風雲》上演一場重頭戲──就係NaNa（馬賽飾）被飾演「不孝子」嘅王浩信強姦。
前晚嗰集講到馬賽旗下兩個0靚模，同王浩信發生關係，之後兩個0靚模就打算偷王浩信錢，點知俾王浩信打，仲講咗句：「你當自己係『雞』啫，我冇當過自己係嫖客！」仲搞到兩個0靚模冇咗一個十萬元嘅工作。之後馬賽見到兩個0靚模上咗王浩信架車，作為0靚模經理人嘅緊係擔心佢哋，於是就跟住王浩信。
到噚晚嗰集就講王浩信同兩個0靚模去到酒吧，兩個0靚模原本想將丸仔放落王浩信杯酒，打算迷暈佢後再偷佢錢，點知王浩信飲咗一杯，馬賽就上咗嚟趕兩個0靚模走，飲咗杯酒嘅王浩信，開始迫馬賽飲酒，之後更加色心起，加上毒癮令佢神志不清，跟住就強姦馬賽.......慘慘﹗
不過噚晚呢場戲爆咗四個騎呢位，首先係王浩信強姦馬賽時，有場戲竟同《強姦2制服誘惑》入面，馬德鐘強姦朱茵嘅鏡頭類同。
之後馬賽被姦時，佢想打電話俾陳智燊求救，所以佢伸手去按電話，但當時佢係被王浩信「壓住」兼掙扎的情況下，馬賽竟然可以單手解手機密碼鎖，再好準確咁㩒陳智燊嘅電話號碼囉。
第三個騎呢位係，當馬賽打通電話時，但係個電話竟然顯示「請插入sim卡」，如果佢係想報警，冇sim卡又可唔可以報警呢？但馬賽唔係報警喎，係打畀陳智燊，冇sim卡點打電話啊！
第四個就係馬賽個電話外形係一部iPhone，但內裡原來係一部疑似山寨電話嚟0架，有網民仲好抵死咁話，部山寨手機係拜山用呀﹗
另外喺強姦戲完咗，王浩信就當然揾飾演媽咪嘅謝雪心求救，之後心姐又係摑咗王浩信一巴，「兜巴信」又再一次出現喇。

[img]http://static.apple.nextmedia.com/images/apple-photos/video/20131115/org/1384458946_7951.jpg[/img]


來源:蘋果日報網站