四失聰住九龍灣　特登揸車去山頂跑步

陳山聰終於現身，又回到大家嘅視線喇，不過佢唔係拍劇，而係做咗時裝公司buyer。據知個老闆識得山聰，都係因為超雲，而且山聰份人最叻就係把口，要搵番份工，唔難。

早前出活動話今年開始積極keep弗，練全馬保持健康。如果你係山聰fans，你可以去山頂寶雲道撞佢。山頂？但山聰係住喺九龍灣0架喎。昨日有報道話，山聰隔日會到寓所附近嘅運動場跑步練氣，亦會去山頂跑步。有次就見到佢由麗晶花園屋企出車，花半個鐘去到山頂寶雲道，先喺公園做熱身運動，再圍住寶雲道個圈嚟跑；跑到成身汗，山聰索性衫都除埋，半裸繼續跑。跑咗一個鐘，山聰再開車去梅道1號。
山頂寶雲道出名多明星富豪跑步，梁朝偉、徐子淇、周星馳都曾於當地出沒。如果山聰跑跑下見到一兩個明星富豪，打個招呼say hi打開話匣子話咁易。問山聰點解明明住九龍灣又山長水遠去山頂跑步？佢就話:「嗰邊空氣好啲嘛!」又否認想借此結識有錢人。

[img]http://static.apple.nextmedia.com/images/apple-photos/video/20131120/org/1384890920_6c35.jpg[/img]


來源:蘋果日報網站