星二代情史揭秘　阿B大女去男友家短聚

近年唔少藝人仔女好似黃日華囡囡黃芷晴､苗僑偉一對仔女苗俊及苗彤､上山詩鈉囡囡Hilary､鍾鎮濤女兒鍾嘉晴等，都成為圈中焦點，呢班「星二代」嘅感情生活，亦惹人關注。

先講上山詩鈉嘅16歲囡囡Hilary。Hilary盡得靚媽上山詩鈉嘅優良血統，眼大嘴細鼻高高，而且外表洋化，身材都唔差，係校內風頭躉，深受男同學歡迎，不過原來Hilary已有要好男友，兩人拍拖兩年添。昨日有報道就指Hilary同男友當街又攬又錫，旁若無人。

該報道仲問咗上山詩鈉回應，上山表示唔知囡囡拍拖，但就認為女兒已16歲，拍拖都冇乜所謂，但最好唔好當街攬錫。其實上山可以睇吓囡囡嘅instagram，因為Hilary不時會上載同男朋友嘅sweet相。

至於鍾鎮濤（阿B）同前妻章小蕙所生嘅女兒鍾嘉晴，不經不覺嘉晴已經18歲，大個女啦﹗該報道指嘉晴有一個四眼肥仔男友，仲影到呢對小情人坐港鐵去男友屋企，短聚一陣後，佢哋就轉場去咖啡店做功課，離開時，肥仔男友仲邊行邊煲煙，兼且同嘉晴咀嘴。報道仲問咗范姜回應，范姜就話知佢哋係同學，佢又話嘉晴已經18歲，拍得拖冇得驚咁多喎﹗

而三哥嘅靚爆囡囡苗彤，有齊三哥三嫂(戚美珍)優良基因，喺09年曾流出三點式照，仲有同男仔錫錫相。當年啲相出咗街之後，三哥就話過個女，而苗彤亦改爛玩性格，仲搵咗個年紀差唔多大嘅男朋友，實行玩專一。兩人感情都唔錯呀﹗

[img]http://static.apple.nextmedia.com/images/apple-photos/video/20131210/org/1386621101_366b.jpg[/img]

來源:蘋果日報網站