馬賽攣情嚇窒前度男友　翻撻無望

馬賽自從同內地有米製片人汪子琦當眾啜爆上海灘後，因前一日仲死口否認指傳媒斷章取義，啜爆相一出「大話精」形象無所遁形外，之後又被汪子琦嘅富婆前女友Laura公開數臭為「披住兔皮嘅狐狸」，令其事業直插谷底。

無綫為免生事直接將佢送入雪櫃，馬賽知衰為博翻身，竟然拉埋阿媽同高層求情，最終上周六於東華復出試水溫，仲喊住認錯博洗底，但對於自己性向未有正面回應，可惜又再比Laura爆被雪一個月當中，竟然拉埋阿媽同汪子琦去東南亞遊山玩水，更指佢曾要求汪子琦將二千多萬物業轉到其名下，玩足一個月嘅馬賽今次為博翻身，決意同汪子琦斬纜，最後連汪子琦亦於微博數臭馬賽。

時直時攣嘅馬賽，其實早已流傳有位富二代男友，就係有「東莞李嘉誠」之子之稱，家族擁有百億資產嘅鼎峰集團主席之子，年約廿多歲嘅簡建鋒，兩人為中學同學，雖然馬賽已經同大水喉汪子琦斬纜。

昨日有報道話佢決定翻兜前男友，但係呢位前度似乎對於馬賽嘅性向為之嚇窒，有報道話身在東莞嘅簡建鋒一見到馬賽的啜爆相，即皺起眉頭變臉話：「我冇嘢講！」隨即轉身離開，再被追問有冇同馬賽聯絡，就黑面話:「我唔接受訪問！」

[img]http://static.apple.nextmedia.com/images/apple-photos/video/20131211/org/1386706634_9d19.jpg[/img]


來源:蘋果日報網站