JM真空晒V　防走光膠紙出事

近日新聞多多的文詠珊（Janice Man），昨日與張學友、張家輝、余文樂、韓星池珍熙及崔始源等，在澳門出席新戲《赤盜》記者會，她被指經謝婷婷搭路，跟謝霆鋒撻着玩秘戀，日前在朋友生日飯局上JM更餵霆鋒食飯，態度親暱戀情浮面。

[img]http://static.apple.nextmedia.com/images/apple-photos/apple/20131211/large/11ec5p4.jpg[/img]
■紙碎跌入JM胸前，大殺風景。

[b]紙碎撲胸殺風景[/b]
問JM是否與霆鋒拍拖，她說：「冇，我係單身。當日飯局係因大家共同朋友生日，冇乜餵食。」但問到與霆鋒相識多久，JM卻不願回答：「唔講，唔想炒作太多。」是否怕激怒霆鋒前妻張栢芝？她說：「唔關任何人事。」
再問是否很熟絡的朋友，有沒有發展機會？JM即無厘頭笑到四萬咁口：「都係朋友，我冇諗，目前都係做嘢順其自然。」談到霆鋒回應緋聞時大方認雙方是朋友，JM聞言說：「咁係事實，係好朋友，佢講事實啫。」在《赤盜》一片中JM不乏動作鏡頭，有否請教霆鋒時，JM指劇組有很多導師指導。而JM昨日以火紅西裝套裝真空上陣，大低V展現微波身材，但當現場放紙炮時有塊紙碎飛到JM胸口，大殺風景。

[b]學友自言輩份高[/b]
學友表示接此戲是因為可以跟家輝合作，大部份動作鏡頭由家輝上陣，學友笑說：「唔係我要求，可能見我輩份同年紀，安排我嘆啲同舒服啲。」學友未知會否唱主題曲，也不知會否跟家輝合唱，學友笑說：「佢想唱，我可以幫吓佢。」新婚不久的張震表示婚後生活沒有大改變：「有空才做其他事。」是否指造人？他直言：「是呀，否則沒有其他東西做。」
此外，有傳聞指JM上月出席I.T25周年派對時，因飲醉弄濕同場周汶錡的靚衫，昨日周汶錡否認有此事。


[img]http://static.apple.nextmedia.com/images/apple-photos/apple/20131211/large/11ec5p6.jpg[/img]
■學友昨日又以鬍鬚look現身新戲記者會。

[img]http://static.apple.nextmedia.com/images/apple-photos/apple/20131211/large/11ec5p7.jpg[/img]
■張震（左）和崔始源密密傾，老友鬼鬼。


來源:蘋果日報網站

*** 作者被禁止或刪除 內容自動屏蔽 ***