得罪人多開戲謝罪　阿澤畀雷劈變「性超人」

[youtube]GQXW5SnxGmc[/youtube]

經常口「筆」擇言的杜汶澤，先後跟黃秋生網上開拖，又因撐台灣反服貿而得罪內地網民，最近又點中容祖兒死穴遭鬧爆，成為眾矢之的，但仍無損阿澤孭飛的電影《3D豪情》票房。阿澤已密謀10月開拍《3D豪情3》（暫名），為息眾怒，他在新片開場將玩自虐被雷劈謝罪，性能力卻因而獲提升化身性超人，更普選逾百AV女演出。

杜汶澤近來連環辣着火頭，先在facebook留言撐台灣反服貿，惹來內地網民圍插兼呼籲封殺，日前他又在伍樂城的音樂會上爆容祖兒恨攞影后，辣着女方喊割席！遭團團怒火狂燒的阿澤，決意把自虐橋段搬上銀幕，籌備10月開拍《豪情3》，新片開場阿澤便要被雷劈，相信討厭他的人必睇得過癮！

[img]http://static.apple.nextmedia.com/images/apple-photos/apple/20140407/large/07ec1p1.jpg[/img]
最近得罪人多的杜汶澤，昨表示會在新片《豪情3》中被雷劈，看來是向仇家耍冧。資料圖片

[b]毒男變身AV大亨[/b]
阿澤帶領「人類最強Body」、42L的沖田杏梨及港人集體回憶的夕樹舞子等AV女在電影《3D豪情》中肉搏連場，該片上周四開畫，三日票房約收450萬，成績不錯。該片監製陳慶嘉及阿澤已度橋開拍第三集，早前有傳開古裝版是流料，阿澤昨在電話中說：「我哋傾咗故事大綱，內容都係圍繞AV女，開場講我俾雷劈，一聽呢個opening都知收得，大家拍爛手掌。結果我俾雷劈完就以為係悲劇嘅開始，點知我唔死得，仲有咗兩項特異功能，唔止可以偷聽女人諗乜，身體重要部份又大嚿咗，好似變形俠醫！劇情交代我本來係一個日本街頭派紙巾嘅毒男，但有咗兩項絕技後，我就𠱁咗好多女拍AV，靠佢哋養我，成為AV大亨。」

[img]http://static.apple.nextmedia.com/images/apple-photos/apple/20140407/large/07ec1p3.jpg[/img]
■阿澤昨到沙田謝票，勁受觀眾歡迎。

[img]http://static.apple.nextmedia.com/images/apple-photos/apple/20140407/large/07ec1p5.jpg[/img]
■阿澤昨於戲院大派禮物，現場反應熱烈。

故事橋段明抄外語片《偷聽女人心》（What Women Want）及《變形俠醫》（Hulk），但阿澤不怕被指偷橋。對於連番接演同類角色，不怕被定型？他說：「冇人肯拍呢啲嘢！我自細想做徐錦江，想挑戰做『啫神』！好多人誤會我想做周星馳，我邊可搶人飯碗？人哋都揸得好硬，十隻手指有長短，唔係最長嗰隻先有飯食，我哋呢啲短少少都可以有。」

[b]搶攻明年賀歲檔[/b]
阿澤於新片變身AV大亨，旗下當然有不少AV女，他說：「我哋同日本幾間AV公司聯絡好，預計有過百AV女演出，同時又預番《3D豪情》嘅AV女一齊玩。」由於AV女的薪酬不高，加上日本經濟差，阿澤說：「套戲會喺日本拍，製作費會喺2,000萬之內，都係離唔開拍3D。」情慾戲最終要放棄內地巿場，阿澤說：「冇辦法，咁我哋拍多啲港片支持呢行。」《豪情3》更有意攻明年賀歲檔，成為首部港產賀歲三級片，阿澤說：「從未試過新年請大家食鮑魚。」可擔心三級片未能闔家歡？阿澤已諗計：「諗住搵曾志偉同黃百鳴傾，或者搞套票優惠，仔女睇笑片或動畫，父母就入場睇我哋。」

[img]http://static.apple.nextmedia.com/images/apple-photos/apple/20140407/large/07ec1p2.jpg[/img]
■阿澤最近與AV女優四出宣傳新片，艷福無邊。資料圖片

[img]http://static.apple.nextmedia.com/images/apple-photos/apple/20140407/large/07ec1p4.jpg[/img]
■《3D豪情》中扮男優的阿澤，新片會升呢做大亨。劇照

此外，阿澤有望《3D豪情》本周票房破千萬，他昨連走十場謝票，昨午突擊沙田的戲院時獲觀眾喝采，阿澤即場宣佈要搞網上普選最愛AV女，觀眾熱烈支持，阿澤又問：「你哋覺得好睇，我拍多啲好唔好？」引得觀眾大叫。　　

來源:蘋果日報網站